1. Ato ditë përsëri u mblodh një turmë e madhe dhe meqë nuk kishin ç’të hanin, Jezui i thirri pranë vetes dishepujt dhe u tha:
2. «Më dhimbset turma, sepse kanë tri ditë që rrinë me mua dhe nuk kanë asgjë për të ngrënë.
3. Nëse i nis në shtëpi të uritur, do të mbeten rrugës dhe disa prej tyre kanë ardhur nga larg».
4. Por dishepujt iu përgjigjën: «E si mund t’i ngopim me bukë këta njerëz këtu në shkretëtirë?».
5. Jezui i pyeti: «Sa bukë keni?». Ata iu përgjigjën: «Shtatë».