1. Fillimi i ungjillit të Jezu Krishtit, Birit të Perëndisë.
2. Ndodhi sikurse është shkruar te profeti Isaia: Ja, unë po dërgoj lajmëtarin tim përpara teje, që të përgatisë udhën tënde.
3. Ai është zëri që thërret në shkretëtirë: bëni gati udhën për Zotin, drejtoni shtigjet e tij.
4. Gjon Pagëzori doli në shkretëtirë dhe u predikonte njerëzve të pendoheshin e të pagëzoheshin, që t’u faleshin mëkatet.
5. Njerëz nga e gjithë krahina e Judesë dhe të gjithë banorët e Jerusalemit shkonin tek ai dhe pagëzoheshin prej tij në lumin Jordan, duke rrëfyer haptazi mëkatet e tyre.