43. Ai e mori dhe e hëngri në praninë e tyre.
44. Atëherë u tha: «Këto fjalë jua thashë kur isha ende me ju: gjithçka që është shkruar për mua në ligjin e Moisiut, te profetët dhe te psalmet, duhet të përmbushet».
45. Pastaj ua hapi mendjet që të kuptonin Shkrimet e shenjta
46. e u tha:«Shkrimi i shenjtë thotë: Krishti duhet të vuajë e të ngjallet prej të vdekurve të tretën ditë
47. dhe të gjitha kombeve do t’u shpallet pendimi e falja e mëkateve, duke filluar nga Jerusalemi.
48. Ju jeni dëshmitarët e këtyre gjërave.
49. Ja, unë po ju dërgoj premtimin e Atit tim, prandaj rrini këtu në qytet derisa të visheni me pushtet nga lart».
50. Pastaj u priu deri në Betani, ngriti duart e i bekoi.
51. Ndërsa po i bekonte, u largua prej tyre dhe u mor në qiell.
52. Ata e adhuruan dhe u kthyen me gëzim të madh në Jerusalem
53. ku rrinin vazhdimisht në tempull dhe bekonin Perëndinë.