2. Regjistrimi i parë ishte bërë kur Kuirini qeveriste Sirinë.
3. Të gjithë shkonin për t’u regjistruar, secili në qytetin e vet.
4. Edhe Jozefi, që ishte nga Galileja, nga qyteti i Nazaretit, shkoi në Jude, në qytetin e Davidit, që quhet Betlehem, sepse ishte nga shtëpia dhe nga fisi i Davidit,
5. për t’u regjistruar së bashku me Marinë, të fejuarën e tij, që ishte shtatzënë.
6. Ndërsa ndodheshin në Betlehem, i erdhën ditët për të lindur
7. dhe lindi djalin e saj të parë. E mbështolli në pelena dhe e vuri në grazhd, sepse në bujtinë nuk kishte vend për ta.
8. Në atë vend gjendeshin disa barinj që kalonin natën nëpër ara duke ruajtur tufën e tyre.
9. Një engjëll i Zotit iu shfaq atyre dhe lavdia e Zotit i mbështolli me dritë. Ata u trembën shumë,
10. por engjëlli u tha: «Mos kini frikë! Ja, po ju jap lajmin e mirë, një gëzim të madh për të gjithë popullin:
11. Sot, në qytetin e Davidit ka lindur për ju një shpëtimtar që është Krishti Zot.
12. Shenja për ju do të jetë kjo: do të gjeni një fëmijë të mbëshjellë në pelena dhe të shtrirë në grazhd».
13. Papritur bashkë me engjëllin u duk një ushtri e madhe qiellore, që lavdëronte Perëndinë kështu:
14. «Lavdi i qoftë Perëndisënë lartësitë qielloredhe paqe në tokënjerëzve që ai i ka për zemër».
15. Kur u larguan engjëjt prej tyre dhe u kthyen në qiell, barinjtë i thanë njëri-tjetrit: «Të shkojmë në Betlehem e të shohim çfarë ka ndodhur, atë që na ka bërë të ditur Zoti».
16. Ata shkuan me nxitim dhe gjetën Marinë me Jozefin dhe fëmijën të shtrirë në grazhd.