12. dhe pa dy engjëj të veshur me të bardha që qëndronin atje ku kishte qenë shtrirë trupi i Jezuit, njëri te koka dhe tjetri te këmbët.
13. Ata i thanë: «Grua, përse po qan?».Ajo u tha: «E kanë marrë Zotin tim dhe nuk e di ku e kanë vënë».
14. Si tha këto, ajo u kthye prapa dhe pa Jezuin që qëndronte në këmbë, por nuk e dinte se ishte ai.
15. Jezui i tha: «Grua, përse po qan? Kë po kërkon?».Ajo, duke kujtuar se ishte kopshtari, i tha: «Zotëri, nëse e ke marrë ti, më thuaj ku e vure dhe unë do ta marr».
16. Jezui i tha: «Mari!».Ajo u kthye dhe i tha në hebraisht: «Rabbuni!», që do të thotë mësues.