1. Unë, Pali, që nuk u bëra apostull prej njerëzve e as me anë të ndonjë njeriu, por nëpërmjet Jezu Krishtit dhe Perëndisë Atë, që e ngjalli atë prej të vdekurve,
2. së bashku me të gjithë vëllezërit që janë me mua, po u shkruaj kishave të Galatisë:
3. Paçi hir dhe paqe nga Perëndia, Ati ynë dhe nga Zoti Jezu Krisht!
4. Ai e flijoi veten e tij për mëkatet tona, që të na çlironte nga kjo botë e ligë, sipas vullnetit të Perëndisë dhe Atit tonë.
5. Atij i qoftë lavdia në shekuj të shekujve! Amen!
6. Habitem sa shpejt po largoheni nga Perëndia që ju thirri në hirin e Krishtit e po shkoni drejt një ungjilli tjetër.