1. I çova përsëri sytë dhe shikova, dhe ja, katër qerre që dilnin në mes të dy maleve; dhe malet ishin male prej bronzi.
2. Në qerren e parë kishte kuaj të kuq, në qerren e dytë kuaj të zinj,
3. në qerren e tretë kuaj të bardhë dhe në të katërtën kuaj shumë laramanë.
4. Atëherë nisa t'i them engjëllit që fliste me mua: "Imzot, po këta?".
5. Engjëlli u përgjigj dhe tha: "Këta janë katër frymërat e qiellit që dalin pasi kanë qenë në prani të Zotit të mbarë dheut.
6. Qerrja me kuaj të zinj shkon drejt vendit të veriut; kuajt e bardhë e ndjekin, kuajt laramanë shkojnë drejt vendit të jugut;
7. pastaj përparojnë kuajt me ngjyrë të kuqe të ndezur dhe kërkojnë të shkojnë për të përshkuar dheun". Ai u tha atyre: "Shkoni, përshkoni dheun!". Kështu ata e përshkuan dheun.
8. Pastaj ai më thirri dhe më foli, duke thënë: "Ja, ata që po shkojnë drejt vendit në veri e kanë qetësuar Frymën time mbi vendin e veriut.