1. Duartrokisni, o popuj; kremtojeni Perëndinë me britma triumfi.
2. Sepse Zoti, Shumë i Larti, është i tmerrshëm, një mbret i madh mbi gjithë dheun.
3. Ai do të na nënshtrojë popujt dhe kombet do t'i vërë nën këmbët tona.
4. Ai do të zgjedhë për ne trashëgiminë tonë, lavdinë e Jakobit që ai e do. (Sela)
5. Perëndia është ngritur në mes brohoritjesh gëzimi, Zoti me tingujt e borive.
6. Këndojini lavde Perëndisë tonë, këndojini lavde! Këndojini lavde mbretit tonë, këndojini lavde!