5. Ai e do drejtësinë dhe barazinë; toka është e mbushur nga mirësitë e Zotit.
6. Qiejt u bënë me anë të fjalës së Zotit dhe tërë ushtria e tyre me anë të frymës së gojës së tij.
7. Ai mblodhi ujërat në një tog dhe vendosi thellësitë e tyre të mëdha si rezervuare.
8. Tërë toka le të ketë frikë nga Zoti dhe le të dridhen para tij tërë banorët e botës.
9. Sepse ai foli dhe gjëja u bë; ai urdhëroi dhe gjëja u shfaq.
10. Zoti e bën të dështojë planin e kombeve dhe asgjëson synimet e popujve.
11. Plani i Zotit mbetet përjetë dhe qëllimet e zemrës së tij për çdo brez.
12. Lum ai komb që ka Perëndinë Zotin; lum populli që ai ka zgjedhur për trashëgim të tij.
13. Zoti shikon nga qielli; ai shikon tërë bijtë e njerëzve.
14. Nga vendi i banimit të tij ai këqyr tërë banorët e tokës.
15. Ai e ka formuar zemrën e të gjithëve, që kupton tërë veprat e tyre.
16. Mbreti nuk shpëtohet nga një ushtri e madhe; trimi nuk shpëton për shkak të forcës së tij të madhe.