8. Bashkë me viktimat që ata bënë, ata vranë edhe mbretërit e Midianit: Evin, Rekemin, Tsurin, Hurin dhe Reban, pesë mbretërit e Midianit; vranë gjithashtu me shpatë Balaamin, birin e Beorit.
9. Bijtë e Izraelit zunë robinja edhe të gjitha gratë e Midianit dhe fëmijët e tyre, rrëmbyen tërë bagëtinë e tyre, tërë kopetë e tyre dhe tërë pasuritë e tyre;
10. pastaj u vunë zjarrin të gjitha qyteteve ku ata banonin dhe të gjitha kalave të tyre,
11. dhe morën gjithë plaçkën e luftës dhe tërë prenë, njerëz dhe kafshë:
12. pastaj i çuan të burgosurit, prenë dhe plaçkën e luftës Moisiut, priftit Eleazar dhe asamblesë së bijve të Izraelit, që ishin vendosur në fushat e Moabit, pranë Jordanit, në bregun përballë Jerikos.
13. Moisiu, prifti Eleazar dhe të gjithë prijësit e asamblesë dolën për t'i takuar jashtë kampit.
14. Por Moisiu u zemërua me komandantët e ushtrisë, me krerët e mijësheve dhe të qindësheve, që po ktheheshin nga kjo fushatë lufte.
15. Moisiu u tha atyre: "Keni lënë gjallë të gjitha gratë?
16. Të nxitura nga Balaami, ato i shtynë bijtë e Izraelit të mëkatojnë kundër Zotit, në ngjarjen e Peorit, kur shpërtheu fatkeqësia në asamblenë e Zotit.
17. Prandaj vrisni çdo mashkull nga fëmijët dhe vrisni çdo grua që ka marrëdhënie seksuale me një burrë,