1. Mbasi Jezusi i mbaroi këto ligjërata, u nis nga Galileja dhe erdhi në krahinën e Judesë, përtej Jordanit.
2. Turma të mëdha e ndiqnin dhe ai i shëroi atje.
3. Atëherë iu afruan disa farisenj për ta provokuar dhe i thanë: ''A është e lejueshme që burri ta ndajë gruan për një shkak çfarëdo?''.
4. Dhe ai, duke u përgjigjur u tha atyre: ''A nuk keni lexuar ju, se ai që i krijoi që në fillim, i krijoi mashkull dhe femër?
5. Dhe tha: "Për këtë arsye njeriu do ta lërë babanë dhe nënën e vet dhe do të bashkohet me gruan e vet; dhe të dy do të jenë një mish i vetëm".