50. Atëherë dishepujt e lanë dhe ikën të gjithë.
51. Dhe një farë djaloshi, që ishte i mbështjellë me një çarçaf mbi trupin e zhveshur, po e ndiqte, por ata e kapën.
52. Por ai e lëshoi çarçafin dhe iku lakuriq nga duart e tyre.
53. Atëherë ata e çuan Jezusin te kryeprifti, ku u mblodhën të gjithë krerët e priftërinjve, pleqtë dhe skribët.
54. Dhe Pjetri e ndoqi nga larg deri brenda në pallatin e kryepriftit dhe u ul atje bashkë me rojat dhe ngrohej afër zjarrit.
55. Dhe krerët e priftërinjve dhe gjithë sinedri kërkonin dëshmi kundër Jezusit për ta vrarë, por nuk po gjenin.
56. Shumë veta në fakt jepnin dëshmi të rreme kundër tij; por dëshmitë e tyre nuk përkonin.