6. Buzët e budallait të çojnë në grindje, dhe goja e tij kërkon goditje.
7. Goja e budallait është shkatërrimi i tij dhe buzët e tij janë një lak për jetën e tij.
8. Fjalët e shpifësit janë si një gjellë shumë e shijshme që zbret thellë në zorrë.
9. Edhe ai që është përtac në punën e tij është vëlla i plëngprishësit.
10. Emri i Zotit është një kala e fortë, tek ai turret i drejti dhe gjen siguri.
11. Pasuria e kamësit është qyteti i tij i fortë dhe sipas mendimit të tij ajo është si një mur i lartë.
12. Përpara shkatërrimit, zemra e njeriut ngrihet, por para lavdisë vjen përulësia.
13. Kush jep përgjigje për një çështje para se ta ketë dëgjuar, tregon marrëzinë e tij për turp të vet.
14. Fryma e njeriut i jep krahë në sëmundjen e tij, por kush mund ta ngrejë një frymë të demoralizuar?
15. Zemra e njeriut të matur fiton dituri, edhe veshi i të urtëve kërkon diturinë.
16. Dhurata e njeriut i hap rrugën dhe e çon në prani të të mëdhenjve.
17. I pari që mbron çështjen e vet duket sikur ka të drejtë; por pastaj vjen tjetri dhe e shqyrton.
18. Fati u jep fund grindjeve dhe i ndan të fuqishmit.
19. Një vëlla i fyer është si një qytet i fortë; dhe grindjet janë si shulat e një kalaje.
20. Njeriu e ngop barkun me frytin e gojës së tij, ai ngopet me prodhimin e buzëve të tij.
21. Vdekja dhe jeta janë nën pushtetin e gjuhës; ata që e duan do të hanë frytet e saj.
22. Kush ka gjetur grua ka gjetur një gjë të mirë dhe ka siguruar një favor nga Zoti.
23. I varfri flet duke u lutur, kurse i pasuri përgjigjet me ashpërsi.