14. Qeniet e gjalla vraponin përpara dhe prapa, dukeshin si një rrufe.
15. Ndërsa shikoja qeniet e gjalla, ja një rrotë për tokë pranë qenieve të gjalla me katër fytyrat e tyre.
16. Pamja e rrotave dhe punimi i tyre ishte si pamja e ngjyrës së krisolitit; që të katra i ngjisnin njëra-tjetrës. Pamja e tyre dhe punimi i tyre si ato të një rrote në mes të një rrote tjetër.
17. Kur lëviznin, shkonin në drejtim të njërit prej katër drejtimeve dhe, duke shkuar nuk silleshin prapa.
18. Sa për rrathët e tyre ishin të lartë dhe të madhërishëm; dhe rrathët e gjithë të katërve ishin plot me sy rreth e qark.
19. Kur lëviznin qeniet e gjalla, edhe rrotat lëviznin pranë tyre dhe, kur qeniet e gjalla ngriheshin nga toka, ngriheshin edhe rrotat.
20. Kudo që fryma donte të shkonte, shkonin edhe ata, sepse aty shkonte fryma; rrotat ngriheshin bashkë me ta, sepse fryma qenieve të gjalla ishte në rrota.
21. Kur ata lëviznin, edhe rrotat lëviznin; kur këto ndaleshin, edhe ato ndaleshin, dhe kur ngiheshin nga toka, edhe rrotat ngriheshin bashkë me ta, sepse fryma i qenieve të gjalla ishte në rrota.
22. Mbi kokat e qenieve të gjalla ishte ngjashmëria e një kupe qiellore, që i përngjiste ngjyrës së një kristali të madhërishëm të shtrirë mbi kokat e tyre.
23. Poshtë kupës qiellore shtriheshin drejt krahët e tyre, njëra ndaj tjetrës; secili kishte nga dy që mbulonin një anë dhe dy të tjera që mbulonin anën tjetër të trupit.
24. Kur ata lëviznin, unë dëgjoja zhurmën e krahëve të tyre, si zhurmën e ujërave të mëdha, si zëri i të Plotfuqishmit, si zhurma e një rrëmuje të madhe, si oshtima e një ushtrie; kur ndaleshin, ulnin krahët e tyre.
25. Dhe dëgjohej një zhurmë nga kupa qiellore lart që ishte mbi kokat e tyre; kur ndaleshin, ulnin krahët e tyre.