26. Sauli ecte mbi një anë të malit, ndërsa Davidi me gjithë njerëzit e tij ecnin në anën tjetër. Kur Davidi po shpejtonte marshimin e tij për t'i shpëtuar Saulit, ndërsa Sauli dhe njerëzit e tij ishin duke rrethuar Davidin dhe njerëzit e tij për t'i kapur,
27. arriti te Sauli një lajmëtar që tha: "Shpejtohu të vish, sepse filistenjtë kanë pushtuar vendin".
28. Kështu Sauli nuk e ndoqi më Davidin dhe shkoi të përballojë filistenjtë; prandaj ky vend u quajt "shkëmbi i ndarjes".
29. Pastaj që andej Davidi shkoi për t'u vendosur në fortesat e En-Gedit.