1. Bijtë e Judës ishin Peretsi, Hetsroni, Karmi, Huri dhe Shobali.
2. Reajahut, birit të Shobalit, i lindën Ahumai dhe Lahadi. Këto ishin familjet e tsorathenjve;
3. Këta ishin bijtë e atit të Etamit: Jezreeli, Ishma dhe Idbashi; motra e tyre quhej Hatselelponi.
4. Penueli ishte ati i Gedorit; Ezeri ishte ati i Hushahut. Këta ishin bijtë e Hurit, të parëlindurit të Efratahut, atit të Betlemit.
5. Ashuri, ati i Tekoas, pati dy bashkëshorte, Helahën dhe Naarahën.
6. Naaraha i lindi Ahuzamin, Heferin, Tememin dhe Ahashtarin. Këta ishin bijtë e Naarahës.
7. Bijtë e Helahës ishin Tserethi, Tsohari dhe Ethnani.
8. Kotzit i lindën Anubi, Cobe-Tsobebahu dhe familjet e Aharhelit, birit të Harumit.
9. Jabetsin e nderonin më tepër se vëllezërit; e ëma i kishte vënë emrin Jabets, sepse thoshte: "E polla me dhembje".
10. Jabetsi kërkoi ndihmën e Perëndisë të Izraelit, duke thënë: "Oh, sikur të më bekoje dhe zgjeroje kufijtë e mi, dhe dora jote të ishte me mua dhe të më ruante nga e keqja që të mos vuaj!". Dhe Perëndia i dha atë që kishte kërkuar.