10. Na a‘oa‘o ‘iā te ia talu ‘ina itiiti i le mata‘u i le Atua ma le ‘alo‘ese i le agasala.
11. O lenei, ‘ua ‘avea fa‘atagataotau‘a ‘atoa ma lana avā ma lona atali‘i i le ‘a‘ai o Nineva fa‘atasi ma lona itū‘āiga uma lava.
12. Sa ‘a‘ai tagata uma i mea e ‘ai a nu‘u ‘ese, a o ia lea ‘ua na fa‘asao lona agaga ma ‘ua lē fa‘aleagaina o ia ‘iā latou mea e ‘ai.
13. ‘Ua manatu o ia i le Ali‘i ma lona loto ‘atoa, o le mea fo‘i lea na foa‘i atu ai e le Atua ‘ina ‘ia alofagia o ia e le tupu o Salemanesa.
14. ‘Ua na tu‘u atu ‘iā te ia le pule e alu i mea uma ‘ua loto i ai, faitalia lava ia i se mea na te faia.