1. O ‘upu nei o le feagaiga sa fetalai mai ai le ALI‘I ‘iā Mose ‘ia faia ma le fānauga a Isaraelu i le nu‘u o Moapi, ‘ae ‘ese le feagaiga sa osia o ia ma i latou i Horepa.
2. ‘Ua vala‘au atu fo‘i Mose ‘iā Isaraelu uma, ‘ua fa‘apea atu ‘iā te i latou: ‘Ua ‘outou va‘aia mea uma lava na faia e le ALI‘I i o ‘outou luma i le nu‘u o Aikupito ‘iā Farao, ma ana ‘au‘auna uma, ‘atoa ma lona nu‘u uma;
3. o tofotofoga tetele na va‘ai i ai ou mata; o ia fa‘ailoga ma vāvega tetele;
4. a ‘ua lē foa‘iina mai e le ALI‘I ‘iā te ‘outou le loto e lagona ma mata e va‘ai, ma taliga e fa‘alogo, ‘ua o‘o mai i le aso nei.