27. “Se‘i ‘ou ui atu i lou nu‘u, o le ala tele ‘ou te savali ai, ‘ou te lē liliu ane i le itū taumatau, po o le itū tauagavale.
28. ‘E te fa‘atauina mai mea e ‘ai i tupe, ‘ou te ‘ai ai, ‘e te ‘aumai fo‘i ni vai i tupe, ‘ou te inu ai, nā ‘ona ui atu lava o‘u vae.
29. E pei ‘ona faia ‘iā te a‘u o le fānauga a Esau, ē ‘ua nonofo i Seira, ma sa Moapī ē ‘ua nonofo i Aro, se‘ia ‘ou sopo‘ia atu Ioritana le nu‘u ‘ua foa‘iina mai ‘iā te i matou e le ALI‘I lo matou Atua.”