38. O Iosua le atali‘i o Nuno, o lē tu i ou luma e alu lava o ia i ai; ‘ia e fa‘amalosi ‘iā te ia, auā o ia na te tofia le nu‘u mo Isaraelu.
39. O a ‘outou tamaiti fo‘i na ‘outou fai mai ai, e ‘avea i latou ma tagata o tau‘a, ma a ‘outou fānau na lē iloa i lea aso se mea lelei po o se mea leaga, latou te o‘o lava i ai, ‘ou te avatu ai ‘iā te i latou, e fai ai fo‘i mo latou tofi.
40. A o ‘outou, ‘inā liliu ane ia ‘outou, ma ō atu i le vao, i le ala i le sami Ulaula.”