42. A ‘ua ‘alaga ma le leo tele o Susana ma ‘ua fai atu, “Le Atua fa‘avavau e, o oe lē silasila i mea lilo, lē silafia mea uma a o le‘i taunu‘u,
43. ‘ua e silafia o le molimau pepelo lava ‘ua la molimau ai ‘iā te au; a o lenei o le a ‘ou oti, a ‘ua ou le faia lava se mea e tasi o mea ia na ta‘uleagaina fua ai a‘u e i lā‘ua ia ‘ona o le loto leaga.”
44. A ‘ua fa‘afofoga lava le Ali‘i i lona leo.
45. O lo‘o ta‘ita‘iina o ia e fasiotia, ‘ona fa‘aoso lea e le Ali‘i le agaga pa‘ia i le tama taule‘ale‘a, o Tanielu lona igoa;