1. Sa i ai le tasi tagata ‘ua nofo i Papelonia, i le o lona igoa o Ioakima.
2. Ma ‘ua fai lana avā, o Susana le igoa, o le afafine o Hilikia, o le teine ‘aulelei lava ma le mata‘u i le Atua;
3. auā sa amiotonu ona mātua, ma ‘ua la a‘oa‘oina ai la la tama teine e tusa ma le tulafono a Mose.
4. A o Ioakima sa matuā mau‘oloa lava ia, sa ‘iā te ia le togāla‘au e lata ane i lona fale; sa potopoto ‘iā te ia o tagata Iutaia, auā sa sili lava ia ‘ona mamalu ‘iā i latou uma.