15. E fai lea aso ma aso o le to‘asā, o le aso o le puapuagā ma le tigā, o le aso o le fa‘atafunaga ma le fa‘agaogaoina, o le aso o le pouliuli ma le pogisā, o le aso o ao ma le fa‘amalumalu,
16. o le aso o le pū ma le pāpā o ‘alaga i le tau‘a, e si‘i i ‘a‘ai nofo ‘olo ‘atoa ma ‘olo maualuluga.
17. ‘Ou te fa‘atigā fo‘i i tagata, latou te sāvavali ai pei o tagata tauaso, auā ‘ua latou agasala atu i le ALI‘I; e fa‘amaligiina o latou toto pei o le efuefu, e fai o latou tino fo‘i pei o otaota.
18. E lē mafai lava i o latou ario ma o latou auro ‘ona lavea‘i ‘iā te i latou i le aso o le to‘asā o le ALI‘I; ‘ae fa‘aumatia le nu‘u uma i le afi o lona fuā; auā e matuā fa‘afuase‘i ‘ona fa‘aumatia e ia o i latou uma o ē nonofo i le nu‘u.#