14. Ma ē faia tagata ‘ia pei o i‘a o le sami, pei o mea fetolofi, e leai so latou faipule?
15. ‘Ua latou ‘ava‘e ‘iā te i latou uma i le mātau, ‘ua aofia i latou i le latou ‘upega, ‘ua tāena‘i fo‘i ‘iā te i latou i lo latou tu‘i; o le mea lea ‘ua latou fiafia ai ma ‘ua mitamita lava.
16. O le mea lea latou te fai ai taulaga i lo latou ‘upega, latou te fa‘amū ai fo‘i mea manogi i lo latou tu‘i; auā o ia mea e lelei ai a latou mea ‘ua maua, e lololo ai fo‘i a latou mea e ‘ai.
17. O le mea ‘ea lea latou te sasa‘a atu ai lo latou ‘upega ma le lē mapu ‘ona fasioti pea lava i atu nu‘u?