3. E ‘auina mai e ia mai le lagi,ma fa‘aola mai ‘iā te a‘u,a o ‘upu leaga mai lē ‘ua naunau i le fia maua o a‘u.E ‘auina mai e le Atua o lona alofa ma lona fa‘amaoni.
4. ‘Ua i le vā o leona lava a‘u;e ta‘oto lava a‘u i le vā o ē o mumū mai o latou ita,o le fānau a tagata i latou,o latou nifo o tao ma ū fanafana ia,o pelu ma‘ai fo‘i o latou laulaufaiva.
5. Le Atua e,‘ia fa‘asilisiliina oe i le lagi;‘ia i ai i le lalolagi uma lou mamalu.
6. ‘Ua latou saunia se ‘upega i le mea ‘ou te ui ai;‘ua fa‘avaivai ai lo‘u loto;‘ua latou ‘elia se lua ‘ou lumana‘i,‘ua pa‘u‘ū i ai i latou. Selā.
7. Le Atua e,‘ua mau lo‘u loto,‘ua mau lava lo‘u loto;‘ou te pese lava ma ‘ou fai pesega.
8. Ala mai ia lo‘u mamalu,ala mai ia le napeli ma le kitara;‘ou te ala i le taeao lava.
9. Le ALI‘I e,‘ou te vivi‘i atu ‘iā te oe i luma o le nu‘u;‘ou te fai pesega ‘iā te oe i luma o tagata.
10. Auā e tele lou alofa ‘ua o‘o i le lagi,e tele fo‘i lou fa‘amaoni ‘ua o‘o i ao.
11. Le Atua e,‘ia fa‘asilisiliina oe i le lagi;‘ia i ai i le lalolagi uma lou mamalu.