1. Le Atua e,‘ia e alofa mai ‘iā te a‘u,‘ia e alofa mai ‘iā te a‘u;auā ‘ua ‘ou fa‘atuatua lava ‘iā te oe;‘ou te fa‘atuatua, fo‘i i le paolo o ou ‘apa‘au,se‘ia mavae atu nei mea leaga.
2. ‘Ou te vala‘au atu i le Atua silisili ‘ese;o le Atua lava na te fa‘ataunu‘uina mea uma mo a‘u.
3. E ‘auina mai e ia mai le lagi,ma fa‘aola mai ‘iā te a‘u,a o ‘upu leaga mai lē ‘ua naunau i le fia maua o a‘u.E ‘auina mai e le Atua o lona alofa ma lona fa‘amaoni.
4. ‘Ua i le vā o leona lava a‘u;e ta‘oto lava a‘u i le vā o ē o mumū mai o latou ita,o le fānau a tagata i latou,o latou nifo o tao ma ū fanafana ia,o pelu ma‘ai fo‘i o latou laulaufaiva.
5. Le Atua e,‘ia fa‘asilisiliina oe i le lagi;‘ia i ai i le lalolagi uma lou mamalu.