1. ‘Ua fo‘i mai le agelu na ma tautala, ‘ua ia fafagu mai ‘iā te a‘u, e pei o le tagata ‘ua fāgua na moe.
2. ‘Ona fai mai lea o ia ‘iā te a‘u,“O le a ‘ea ‘ua e va‘aia?” ‘Ona ‘ou fai atu lea, “‘Ua ‘ou iloa, fa‘auta, o le lamepa ‘ua auro ‘ato‘atoa, ma lona tu‘ugāsuāu‘u i ona luga, mōna tu‘ugālamepa e fitu i ona luga, ma ala e ta‘ifitu i tu‘ugālamepa o lo‘o i ona luga;
3. ma olive e lua i ona tafatafa, o le tasi i le itū taumatau o le tu‘ugāsuāu‘u, ma le tasi i lona itū tauagavale.”
4. ‘Ua ‘ou toe fai atu i le agelu na ma tautala, ‘ua fa‘apea atu, “Le ali‘i e, o a ‘ea ia mea?”
5. ‘Ona tali mai lea o le agelu na ma tautala, ‘ua fa‘apea mai ‘iā te a‘u, “‘E te lē iloa ‘ea po o a mea nei?”‘Ona ‘ou fai atu lea, “Le ali‘i e, ‘ou te lē iloa.”
6. ‘Ua tali mai o ia, ‘ua fai mai ‘iā te a‘u, o lo‘o fa‘apea mai: “O le afioga lenei a le ALI‘I ‘iā Serupapelu, o lo‘o fa‘apea mai: E lē o le fitafita, e lē o le malosi, a o lo‘u Agaga, ‘ua fetalai mai ai le ALI‘I o ‘au.
7. O ai ‘ea oe le mauga tele e, e fa‘alaugatasia oe i luma o Serupapelu; na te ‘aumaia fo‘i le ma‘a tulimanu aupitoaluga, o lo‘o ‘alalaga, ‘Le alofa tunoa e! ia ‘iā te ia le alofa tunoa.’”
8. ‘Ua o‘o mai fo‘i ‘iā te a‘u le afioga a le ALI‘I, o lo‘o fa‘apea mai,