1. ‘Ua tu‘u ‘ina a folau atu i matou i Italia, ‘ona latou tu‘uina atu lea o Paulo ma isi tagata o noanoatia i le ta‘ita‘i o le to‘aselau, o Iulio le igoa, o i le ‘au a Aokuso.
2. ‘Ona ō a‘e lea o i matou i le va‘a Atamutiu, ma tu‘uva‘a atu, a folau ane i nu‘u o Asia; sa fa‘atasi fo‘i ma i matou o Aritako le Maketonia mai Tesalonia.
3. O le taeao fo‘i ‘ua ō a‘e ai i uta i matou i Saitonu. ‘Ua agalelei mai fo‘i Iulio ‘iā Paulo, ma tu‘u atu ‘iā te ia e alu i ana uō e tali i o latou alofa mai.