O Galuega 19:18-23 O LE TUSI PA'IA - Ekalesia Katoliko Roma (RSCB)

18. ‘Ua ō mai fo‘i i latou e to‘atele o ē ‘ua fa‘atuatua, ma fa‘aali mai ma ta‘u mai a latou amio.

19. E to‘atele fo‘i o ē na fai togafiti fa‘ataulāitu na fa‘apotopoto e i latou a latou tusi, ma susunu ai i luma o tagata uma; ‘ona latou faitau lea ‘iā latou fa‘atusa, ‘ua iloa ai ‘ua lima sefulu o afe o tupe ario.

20. O lea ‘ua matuā tupu tele ai ma ‘ua manumālō le afioga a le Ali‘i.

21. ‘Ua mavae ia mea, ‘ona tu‘u lea e Paulo i lona loto, a uma ‘ona ui ane i Maketonia ma Akaia, e alu i Ierusalema, ‘ua fa‘apea o ia, “A mavae ‘ona ‘ou i ai, e tatau ‘ona ‘ou asiasi i Roma.”

22. ‘Ona ‘a‘auina atu lea e ia i Maketonia o tagata e to‘alua o ē na ‘au‘auna ‘iā te ia, o Timoteo ma Erato, a o ia ‘ua nofo i Asia.

23. O ona po ia ‘ua tupu ai le fa‘anunununu tele ‘ona o le Ala.

O Galuega 19