7. ‘Ona alu atu ai lea o ia, ‘ua ulu atu i le fale o le tasi tagata e mata‘u i le Atua o Iuso le igoa, ‘ua so‘o ane i le sunako lona fale.
8. O Kiripo fo‘i le pule i le sunako, ‘ua fa‘atuatua i le Ali‘i, o ia ma lona ‘āiga uma; e to‘atele fo‘i tagata Korinito o ē na fa‘alogo ‘ua fa‘atuatua i latou, ma ‘ua papatisoina.
9. ‘Ona fetalai mai lea o le Ali‘i ‘iā Paulo i le fa‘aaliga i le po, “‘Aua ‘e te fefe, a ‘ia e tautala atu, ‘aua le fa‘alologo;
10. auā ‘ou te ‘iā te oe, e leai fo‘i se tasi e oso mai ‘iā te oe e, fa‘asauā ‘iā te oe; auā e to‘atele o‘u tagata o i lenei ‘a‘ai.”
11. ‘Ua ia nofo atu ai pea o le tausaga ‘atoa ma masina e ono, ‘ua a‘oa‘o atu ‘iā te i latou i le afioga a le Atua.