1. ‘Ua fa‘alogo le ‘au ‘aposetolo ma le ‘au uso o i Iutaia ‘ua talia e nu‘u ‘ese le afioga a le Atua.
2. ‘Ua alu a‘e fo‘i Peteru i Ierusalema, ‘ona fefīnaua‘i lea ma ia o le au peritome,
3. ‘ua fa‘apea mai, “Na e alu atu i tagata e lē peritomeina, ma ‘outou ‘a‘ai fo‘i fa‘atasi ma i latou.”
4. ‘Ona āfua lea o Peteru ‘ona folafola fa‘asolo ‘iā te i latou, ‘ua fa‘apea atu:
5. “O a‘u nei, sa ‘ou tatalo i le ‘a‘ai o Iopa, na ‘ou iloa le fa‘aaliga ma ‘ua fa‘aalia mai, o le tasi mea ‘ua alu ifo pei se ‘ie lautele, ‘ua tu‘utu‘u ifo mai le lagi i ona pito e fa; ‘ua o‘o lava ‘iā te a‘u.