2. ‘Ia e poloa‘i atu i le fānauga a Isaraelu, ‘ia fa‘apea atu ‘iā te i latou, A ‘outou o‘o atu i le nu‘u o Kanana, o le nu‘u lava lea e maua e ‘outou e fai mo ‘outou tofi, o le nu‘u o Kanana ma ona itū;
3. o lo ‘outou itū i le itū i saute, e gata mai i le vao o Tisina i tafatafa o le tuā‘oi o Etoma, o lo ‘outou tuā‘oi fo‘i i le itū i saute o le pito i le sami ‘o‘ona lea i sasa‘e.
4. E afe ane fo‘i lo ‘outou tuā‘oi a‘i le itū i saute i le ā‘ega o Akarava, ‘ae ui atu i Tisina; o lona alu atu ai le itū i saute e o‘o i Katesapanea, e alu atu fo‘i i Hasaratara, ‘ae ui atu i Asemoni.
5. E afe ane fo‘i le tuā‘oi a‘i Asemoni i le alia o Aikupito, o lona gata‘aga o le sami lea.
6. O le tuā‘oi fo‘i i sisifo, e fai mo o ‘outou tuā‘oi le sami tele; o lo ‘outou tuā‘oi lea i sisifo.
7. O lenei fo‘i lo ‘outou tuā‘oi i le itū i matū; tou te fuafuatia mo ‘outou a‘i le sami tele e o‘o atu i le mauga o Horo.
8. Tou te fuafua fo‘i a‘i le mauga o Horo e o‘o i le mea e ui atu ai i Amato; o le gata‘aga fo‘i o le tuā‘oi e o‘o atu i Setata.
9. E alu atu fo‘i le tuā‘oi i Seferona, o lona gata‘aga fo‘i e o‘o i Hasarenana; o lo ‘outou tuā‘oi lea i le itū i matū.
19-28. O igoa fo‘i ia o tagata. Itū‘āiga Ali‘i sili Iuta o Kalepo le atali‘i o Iefune Simeona o Semueli le atali‘i o Ameuta Peniamina o Elitata le atali‘i o Kiselona Tanu o Puki le atali‘i o Iakeli Manase o Hanieli le atali‘i o Efota Efaraima o Kimueli le atali‘i o Sefatana Sepulona o Elisafano le atali‘i o Parenaka Isakara o Paletieli le atali‘i a Asani Asera o Aiuta le atali‘i o Selomi Nafatali o Petaeli le atali‘i o Ameuta.
29. O i latou ia na poloa‘i mai ai le ALI‘I ‘ia latou fa‘asoa tofi o le fānauga a Isaraelu i le nu‘u o Kanana.