7. ‘Ia faia e ‘outou le fa‘apotopotoga pa‘ia i le aso e sefulu o lea masina e fitu, ‘ia fa‘apuapuagātia ai ‘outou e ‘outou, tou te lē fai ai se galuega e tasi.
8. Tou te avatua fo‘i se taulaga mū i le ALI‘I, o le mea manogi lelei; o le povi po‘a ta‘anoa e tasi, ma le mamoe po‘a e tasi, ma tama‘i mamoe e fitu e tasi lo latou tausaga,
9. ‘ia sao ‘ona lelei mo ‘outou o a latou taulaga i mea e ‘ai, o falaoa lelei e palua ma le suāu‘u, e tolu omera i le povi po‘a; e lua omera i le mamoe po‘a e tasi;
10. o le omera e tasi i tama‘i mamoe ta‘itasi e fa‘atatau i tama‘i mamoe e fitu.
11. O le ‘oti po‘a e tasi e fai ma taulaga mo le agasala, e fa‘aopoopoina i le taulaga mo le agasala e fai a‘i togiola, ‘atoa ma le taulaga mū e lē aunoa, ma lana taulaga i mea e ai, ma a la taulaga i mea e inu.