32. ‘Ua fa‘amaga le gutu o le ‘ele‘ele, ‘ua folo ifo ‘iā te i latou, ma o latou ‘āiga, ‘atoa ma tagata uma na ‘iā Koru ma a latou mea uma.
33. ‘Ua ō ifo i seoli i latou ma i latou uma e na ‘iā i latou o ola lava, ‘ona toe so‘o ane lea o le ‘ele‘ele i luga ‘iā te i latou; ‘ona fano ai lea o i latou ai le fa‘apotopotoga.
34. ‘Ona sōsōla ai lea i lo latou ‘alalaga o Isaraelu uma sa vagavagai ‘iā te i latou, auā na latou fa‘apea ane, “‘Ina ne‘i foloina i tatou e le ‘ele‘ele.”
35. ‘Ua o‘o atu fo‘i le afi mai i le ALI‘I, ‘ua fa‘aumatia ai ia tagata e to‘alua selau ma le to‘alima sefulu o ē na avatu mea manogi e mū.