14. ‘Ou te lē lavā lava e a‘u e to‘atasi ‘ona ‘ave i le avega o lenei nu‘u uma, auā e mafatia ai a‘u.
15. ‘Āfai fo‘i ‘e te fai fa‘apea ‘iā te a‘u, ‘ou te ‘ai‘oi lava, ‘āfai ‘ua alofagia a‘u e oe ‘ia e fasioti lava ‘iā te a‘u, ‘ae ‘aua ‘ou te iloa lo‘u puapuagā.”
16. ‘Ona fetalai mai ai lea o le ALI‘I ‘iā Mose, “‘Ia fa‘apotopoto mai ia ‘iā te a‘u o tagata e to‘afitugafulu, o toeaina o Isaraelu, o ē ‘ua e iloa lava o toeaina i latou o le nu‘u ma o latou faipule; ‘ia e ‘aumai fo‘i ‘iā te i latou i le fale fetāfa‘i o le fa‘apotopotoga, ‘ina ‘ia latou tutū ai fa‘atasi ma oe.
17. ‘Ona ‘ou alu ifo ai lea tā te tautala ma oe i lea mea; ‘ou te ‘avea fo‘i nisi o le agaga o lo‘o ‘iā te oe, ma ‘ou tu‘uina atu ‘iā te i latou; ‘ona latou tau‘ave ai lea fa‘atasi ma oe le avega o le nu‘u, ‘ina ‘ia e lē ‘avea to‘atasi.