8. O le mea lea ‘ua igoa ai lea fanua, o le Fanua o le Toto, ‘ua o‘o lava i nei ona po.
9. ‘Ona taunu‘u ai lea o le ‘upu a le perofeta o Ieremia, ‘ua fa‘apea mai, “‘Ua latou tago i tupe e tolugafulu, o le tau lea o lē na fa‘atatauina, ma fa‘atatauina e nisi o le fānauga a Isaraelu;
10. ‘ona latou fa‘atau ai lea o le fanua o le fai ipu ‘omea, e pei ‘ona fetalai mai ai ‘iā te a‘u o le Ali‘i.”
11. ‘Ua tu Iesu i luma o le ali‘i pule; ‘ona fesili mai ai lea o le ali‘i ‘iā te ia, ‘ua fa‘apea mai, “O oe ‘ea o le tupu o tagata Iutaia?”‘Ona fetalai atu ai lea o Iesu ‘iā te ia, “O lea lava.”
12. ‘Ua momoli ‘iā te ia e le ‘au ositaulaga sili ma toeaina, a ‘ua leai sana tali.