1. ‘Ona toe sauni ai lea e Iesu o fa‘ata‘oto, ‘ua fa‘apea atu ‘iā te i latou,
2. “E tusa le mālō o le lagi ma le tasi tupu ‘ua na faia le tausama‘aga o lona atali‘i;
3. ‘ua ‘a‘auina atu e ia ana ‘au‘auna e fai atu i ē na tala‘iina, ‘ia ō mai i le tausama‘aga; a ‘ua latou lē mafafai ‘ona ō mai.
4. ‘Ua toe ‘a‘auina atu e ia nisi ‘au‘auna, ‘ua fa‘apea atu, ‘‘Ia ‘outou fai atu i ē na tala‘iina: Fa‘auta, ‘ua ‘ou saunia mea taumafa, ‘ua fafasi a‘u povi ma a‘u manu pepeti, ‘ua saunia fo‘i mea uma; ‘inā ō mai ia i le tausama‘aga.’
5. A ‘ua latou lē fia ō mai, ‘ua ta‘itasi ma alu o le tasi i lona fanua, ma le tasi i lana fa‘atau.