21. “‘Oi talofa ‘iā te oe Koasini! ‘oi talofa ‘iā te oe Petesaita! auā ‘ana faia i Turo ma Saitonu o vāvega na faia ‘iā te ‘outou, po ‘ua leva ‘ona latou salamō i le ‘ie talatala ma le lefulefu.
22. O lea ‘ou te fai atu ai ‘iā te ‘outou, E feoloolo Turo ma Saitonu i le aso fa‘amasino ‘iā te ‘outou.
23. O oe fo‘i Kapanaumi, ‘ua fa‘aeaina e o‘o i le lagi e lafotūina oe i lalo lava i seoli; auā, ana faia i Sotoma o vāvega na faia ‘iā te oe, po ‘ua tumau ia ‘ua o‘o i nei ona po.
24. O lea fo‘i ‘ou te fai atu ai ‘iā te ‘outou, E feoloolo le nu‘u o Sotoma i le aso fa‘amasino ‘iā te oe.”
25. O lea lava itū aso ‘ua fetalai atu ai Iesu, ‘ua fa‘apea atu, “‘Ou te fa‘afetai ‘iā te oe, lo‘u Tamā e, le Ali‘i o le lagi ma le lalolagi, ‘ina ‘ua e nanā ia mea i ē popoto ma ē atamamai, a ‘ua fa‘aalia atu ia mea i tama valevale.