13. E ‘inosia fo‘i ‘outou e tagata uma ‘ona o lo‘u igoa; a o lē tumau se‘ia o‘o i le i‘uga, e fa‘aolaina lea.
14. “Pe a ‘outou iloa le mea e ‘inosia e fa‘atafunaina ai, ‘ua fai mai ai e Tanielu le perofeta, ‘ua tu i le mea e lē tatau ai, (‘inā iloa ia e lē faitau), o ē o i Iutaia i ia ona po, ‘ia latou sōsōla i mauga;
15. o lē ‘ua i luga o le fale, ‘aua ne‘i alu ifo ia i le fale, ‘aua fo‘i ne‘i ulu ai e ‘ave se mea ai lona fale;
16. o lē ‘ua i le vao fo‘i, ‘aua ne‘i toe fo‘i o ia e ‘ave lona ‘ofu.
17. ‘Oi talofa fo‘i i fafine totō, ma ē failele i nā ona aso!
18. A ‘ia ‘outou tatalo ‘ina ne‘i sōsōla ‘outou i le tau malūlū;
19. auā o ia ona aso e i ai le puapuagā, e leai sona tusa talu lava le amataga o mea na faia e le Atua, ‘ua o‘o mai i ona po nei, e lē toe fa‘apea fo‘i amulī.