9. A ‘ua fai ane Herota, “Na ‘ou vavae‘eseina le ulu o Ioane; A o ai lenei ‘ua ‘ou fa‘alogo ai i mea fa‘apenā?” ‘Ua mana‘o o ia e fia va‘ai ‘iā Iesu.
10. ‘Ua toe fo‘i mai le ‘au ‘aposetolo, ma fa‘amatala mai ‘iā te ia mea uma ‘ua latou faia; ‘ona ‘ave lea o ia ‘iā te i latou, ‘ua ō na o i latou i le tasi nu‘u, o Petesaita le igoa.
11. ‘Ua iloa e le motu o tagata, ‘ona latou mulimuli atu lea ‘iā te ia; ‘ona talia lea o i latou e ia, ‘ua fetalai fo‘i ‘iā te i latou i le mālō o le Atua, ma fa‘amālōlō i ē na fia fa‘amālōlōina.