50. ‘Ona fetalai atu lea o Iesu ‘iā te ia, “‘Aua tou te vaoia; auā o lē lē ‘au ‘ese ‘iā te i tatou, e ‘au fa‘atasi lea ma i tatou.”
51. ‘Ua o‘o atu i ona po e si‘itia ai o ia, ‘ona matuā fa‘asaga atu lea o ia e maliu atu i Ierusalema;
52. ‘ua ‘a‘auina atu e ia nisi e muamua atu i le fe‘au; ‘ua latou ō atu ma afe i le tasi ‘a‘ai o Samaria e sauni ai mo ia.
53. A ‘ua lē talia o ia e i latou, auā ‘ua fa‘asaga atu lana malaga i Ierusalema.
54. ‘Ua iloa e ona so‘o o Iakopo ma Ioane, ‘ona lā fai mai lea, “Le Ali‘i e, pe ‘e te finagalo ma te fai atu, ‘ia alu ifo le afi mai le lagi, ‘ia oti ai i latou?”