38. ‘Ua latou fai mai, “Le Ali‘i e, fa‘auta, o pelu nei e lua.”‘Ona fetalai atu lea o ia ‘iā te i latou, “Sōia.”
39. ‘Ua maliu atu o ia i fafo, ‘ua savali atu i le mauga o Olive, ‘ua fa‘apea lana masani; ‘ua mulimuli atu fo‘i ona so‘o ‘iā te ia.
40. ‘Ua o‘o atu o ia i lea mea, ‘ona fetalai atu lea o ia ‘iā te i latou, “‘Ia ‘outou tatalo ne‘i o‘o mai le fa‘aosoosoga ‘iā te ‘outou.”
41. ‘Ona maliu ‘ese lea o ia ‘iā te i latou, e pei o le togi o le ma‘a lona mamao, ‘ona to‘otuli ai lea o ia ‘ua tatalo,
42. ‘ua fa‘apea atu, “Lo‘u Tamā e, a e finagalo i ai, ‘ia e ‘ave ‘ese lenei ipu ‘iā te a‘u; ‘ae ‘aua le faia lo‘u loto, a o lou finagalo.”