16. A o Iesu, ‘ua vala‘au atu o ia ‘iā te i latou, ‘ua fa‘apea atu, “‘Inā tu‘u mai ia o tamaiti e ō mai ‘iā te a‘u, ‘ae ‘aua tou te vavao ‘iā te i latou, auā e fa‘apei o i latou nei o ē o i le mālō o le Atua.
17. E moni, ‘ou te fai atu ‘iā te ‘outou. ‘Ai sē lē talia le mālō o le Atua e pei o se tamaitiiti, e lē sao lava ia i ai.”
18. ‘Ua fesili mai fo‘i ‘iā Iesu le tasi ali‘i, ‘ua fa‘apea mai, “Le a‘oa‘o lelei e, se a le mea ‘ou te faia, ‘ou te maua ai le ola e fa‘avavau?”