2. ‘Inā fai ane ia i le fānauga a Isaraelu, ‘ia fa‘apea ane:‘Āfai ‘ua tō se fafine, ‘ua fānau mai ai fo‘i se tama tane, ‘ona leaga ai lea o ia i aso e fitu; e tusa ma aso e nofo ‘ese ai i le ma‘i o fafine, e leaga ai o ia.
3. E peritomeina fo‘i le tama i le pa‘u o lona tino i le aso valu.
4. ‘Ona nofo pea ai lea o le fafine i lona taiitama i aso e tolugafulu ma le tolu; ‘aua ne‘i pa‘i atu o ia i se mea pa‘ia, pe ulufale atu i le malumalu se‘ia ‘atoa ona aso e mamā ai.