10. A o mea uma o i le sami ma vaitafe ‘ua leai ni ‘apa‘apa ma una, o mea uma e tata‘a i le vai, ma mea ola uma o i le vai, e fai ma mea e ‘inosia ia mea ‘iā te ‘outou;
11. e fai ma mea e ‘inosia ia mea ‘iā te ‘outou, ‘aua ne‘i ‘aina e ‘outou o latou ‘a‘ano; ‘ia ‘avea fo‘i o latou tino ‘ua mate ma mea e ‘inosia ‘iā te ‘outou.
12. O mea uma o i le vai e leai ni ‘apa‘apa ma una, o mea e ‘inosia ia ‘iā te ‘outou.
13. O manu fo‘i ia i manu felelei e ‘inosia ‘iā te ‘outou; e lē ‘aina lava ia e ‘outou, o mea e ‘inosia ia; o le aeto, ma le perese, ma le oseni,
14. ma le etai, ma le aia, ma manu e uiga fa‘atasi i ai.
15. O oreva uma ma manu e uiga fa‘atasi i ai.
16. O le iaena, ma le teemesa, ma le saape, ma le nesa, ma manu e uiga fa‘atasi i ai.
17. O le kusa, ma le saleka, ma le inesope,
18. ma le tanisamiti, ma le kati, ma le raama,
19. ma le kasita, ma le matu‘u, ma manu e uiga fa‘atasi i ai; o le tukapiti ma le pe‘a.