13. O le po lenā sa latou lē mafafai ‘ona ‘alo ‘ese ai,le po na a‘e mai nai le vanu aupito loloto o seoli, sa latou taufaimomoe uma ai,
14. o tetemū i le tasi itūpō ‘ona o le fefe i foliga mata‘utia,‘ae lailoa i le tasi itūpō ‘ona o le loto vaivai; auā sa o‘otia i latou i le fefe fa‘afuase‘i sa latou lē nofo sauni i ai.
15. A pa‘ū fo‘i se tasi o i latou, ‘ua nofo ai i le ‘ele‘ele,o tāofia ai i lenā falepuipui e aunoa ma ni filifili u‘amea.
16. ‘Āfai fo‘i o se tagata faigaluega, po o se leoleo mamoe, po se tasi sa fa‘ato‘a le ‘ele‘ele,a ‘ua maua i lea mala, sa mafatia ai lava ia ma le leai se ala e sao ai.