15. ‘ona fa‘alogo lea o ia ‘ua ‘ou leo tele ma ‘alaga, ‘ona tu‘ua lea e ia lona ‘ofu ‘iā te a‘u, ‘ua sola, ‘ua alu i fafo.”
16. ‘Ua teu lona ‘ofu e ia se‘ia sau lona ali‘i i lona fale.
17. ‘Ona tautala atu lea o ia ‘iā te ia i nei ‘upu, o lo‘o fa‘apea, “Na sau ‘iā te a‘u le ‘au‘auna Eperu na e ‘aumai ‘iā te i matou, e ula mai ‘iā te a‘u.
18. ‘Ona ‘ou leo tele ai lea ma ‘ou ‘alaga, ‘ona tu‘u lea e ia o lona ‘ofu ‘iā te a‘u, ‘ae sola ia i fafo.”
19. ‘Ua fa‘alogo lona ali‘i i ‘upu a lana avā sa tautala ai ‘iā te ia, o lo‘o fa‘apea, “‘Ua faia nei mea ‘iā te a‘u e la‘u ‘au‘auna;” ‘ona ita tele ai lea o ia.