26. ‘Ona fai mai ai lea o Lapana, “E lē fa‘apea le tu i lo matou nu‘u, ‘ona mua‘i avatu le itiiti ‘ae mulimuli le matua.
27. ‘Ia fa‘a‘atoa ona aso e fitu, ‘ona avatu ai fo‘i lea ‘iā te oe ‘atoa ma lenei, ‘ona o le galuega ‘e te ‘au‘auna mai ai ‘iā te a‘u i isi tausaga e fitu.”
28. ‘Ua faia lava lea e Iakopo, ‘ua fa‘a‘atoa ona aso e fitu; ‘ona ‘aumai ai lea e ia o lona afafine o Rasela e fai māna avā.
29. ‘Ua avatu e Lapana i lona afafine o Rasela o lana ‘au‘auna fafine o Pila e fai māna ‘au‘auna.
30. ‘Ona alu atu ai lea o ia ‘iā Rasela fo‘i, ‘ua sili fo‘i lona alofa ‘iā Rasela i lona alofa ‘iā Lea; ‘ona ‘au‘auna lea o ia ‘iā Lapana i isi tausaga e fitu.