7. ‘Ua ia fetalai mai fo‘i ‘iā te ia, “O a‘u o le ALI‘I, o lē na ‘aumaia oe mai Uro i Kaletaia, ‘ina ‘ia foa‘iina atu ai ‘iā te oe lenei lava nu‘u e fai mou tofi.”
8. ‘Ona tali atu lea o ia, “Le Ali‘i e, le ATUA, se a se mea ‘ou te iloa ai e fai mo‘u tofi lenei nu‘u?”
9. ‘Ona fetalai mai ai lea o le ALI‘I ‘iā te ia, “‘Aumai ‘iā te a‘u se povi fafine ‘ua tolu ona tausaga, ma se ‘oti fafine ‘ua tolu ona tausaga ma se mamoe po‘a ‘ua tolu ona tausaga, ma se manutagi, ma se tama‘i lupe.”
10. ‘Ona avane lea, e ia o ia mea uma, ‘ua ia ta‘iisiluaina i latou, ma tu‘u fa‘afesaga‘i ta‘itasi le itū ma le tasi ona itū a o manu felelei ‘ua ia lē isiluaina.
11. ‘Ua felelei ifo fo‘i manu fe‘ai i tino o manu mamate, ‘ona tutuli lea e Aperamo ‘iā te i latou.