13. A o tagata o Sotoma ‘ua leaga i latou ma ‘ua matuā agasala i luma o le ALI‘I.
14. ‘Ua fetalai atu fo‘i le ALI‘I, ‘iā Aperamo ‘ina ‘ua te‘a ‘ese‘ese o Lota ma ia:“Se‘i e va‘ava‘ai ia ma ‘ia e iloa atu i le mea ‘e te i ai na, i le itū i matū, ma le itū i saute, sasa‘e, ma sisifo;
15. auā o le lau‘ele‘ele uma ‘ua e iloa atu nei, ‘ou te foa‘iina atu mo oe ma lau fānau e fa‘avauvau.
16. ‘Ou te faia fo‘i lau fānau e pei o le efuefu o le ‘ele‘ele, ‘āfai e mafaia e se tagata ‘ona faitaulia o le efuefu o le ‘ele‘ele ‘ona mafai lea ‘ona faitaulia o lau lava fānau.